Category Archives: 跑步

1597078_10152305016399497_166841426_o1-150x150.jpg

跑手注意!5項賽前常犯的飲食錯誤

對於長時間大量消耗體能、高度倚靠肌耐力的長跑選手來說,在比賽中要維持身體機能,萬不可缺的就是營養。新手跑者若比賽表現不佳,最先懷疑的通常是自身訓練不足,卻沒想到問題可能出在賽前飲食攝取不當。以下文章來自active.com,作者Trisha Reeves將新手賽前常犯的飲食錯誤一一列出,幫助大家避免營養失調的問題。 為了有好的比賽表現,訓練和營養得兼顧。且需注意的是,如果賽前飲食不健康,即使先前均維持良好飲食習慣,也是徒勞。 賽前攝取營養不良的食物,會讓跑者在比賽過程中遭遇感到身體不適、昏沉、體力不支等症狀,影響成績。趁此機會,一舉改正這些初級錯誤,提升等級吧!   怠於補充水分 一個水分充足的跑者,除了反應會更靈敏、體溫適中外,比賽需要的水分補給也會少一點。但,許多人卻喜歡在大賽前喝啤酒和咖啡。如果是和三兩好友齊赴外地比賽,前一晚常因情緒興奮,加上相聚機會難得,一起飲酒作樂,以至於隔天早上得靠咖啡提神才能跑完全程。 面臨重要比賽時,切記不要被他人影響,用水取代部份啤酒和咖啡,也別在開賽前10分鐘才猛灌運動飲料,前一兩天就要開始為身體儲水,確保以最佳狀態上場。   過度肝醣超補 作者曾經報名了1月1日早晨的10K賽,不過前夜照樣與友人歡慶跨年,大吃特吃。起初她以為這些吃下肚的熱量恰好可提供比賽所需,殊不知卻帶給胃極大痛苦,使得比賽當天一直跑廁所。 賽前吃太多食物絕對是個大問題,因為身體會來不及在起跑前將食物消化完全。此外,由於跑步會促進腸道蠕動,如果肚子裡又塞滿食物,這將會讓人非常不舒服。所以記得,賽前晚餐要吃得營養,但別吃太撐。   缺乏蛋白質 講到賽前飲食,十之八九聽到的都是「肝醣超補法」。當然,你得擁有一定份量的碳水化合物才夠比賽期間使用,但賽前的幾餐最好還是避免全部都吃白麵包、米飯。雖然這類食物可提供飽足感與能量,不過因為是由單一碳水化合物構成,很快就會被燃燒殆盡,讓人感覺遲緩。 那該吃些其他什麼呢?跑者們別忘了還可搭配水果和蔬菜。它們都是很好的複合碳水化合物來源,內含人體所需的多種維生素、礦物質和纖維。更重要的是,在提供等量能量的情況下,蔬果卡路里較低。能量的提供較為長期、穩定,無謂得釋放相對較少。   不吃早餐 比賽當天可能因為情緒緊繃,胃口不佳,沒心情思考早餐的事。不過,就跟暴飲暴食一樣,空腹也很糟糕,這將使你迅速消耗先前體內儲存的能量,更快遭遇撞牆期。所以最好是在賽前一、二個小時,吃一小頓含有蛋白質和碳水化合物的早餐。 不妨試著提早一點起床,騰出幾分鐘,用些好消化的乳清蛋白來做個雪泥冰沙。其他如香蕉和花生果醬多士也是不錯的選擇。   創意的飲食試驗 嘗試用各種不同的食物、作法進行比賽前中後的補給是件好事。不過,要注意別在比賽當天才進行飲食實驗。平時就要多加考慮,什麼樣的食物最合自己胃、符合補給需求。就像你不會穿新鞋出賽一樣,食物也是。 Arvid Poon

Share
Continue reading »
1597078_10152305016399497_166841426_o1-150x150.jpg

提高跑步燃脂效率 要注意關注自己的運動心率

大家常說,跑步一定要超過30分鐘、40分鐘,才會有減脂的效果,但對於這個結論很多跑友和小編我都是持有懷疑態度的,難道龜速前行了四十分鐘也能減脂?除了時間,對速度就沒有要求嗎?什麼速度才是最佳燃脂速度呢? 在解答以上問題之前,我們首先要搞清楚一點,就是人體通過慢跑減脂的原理。 眾所周知,人體有三大供能系統,即三磷酸腺苷系統、糖原代謝系統和有氧代謝系統,它們支撐我們日常的各項身體活動。在不同運動狀態下,我們身體所使用的供能系統都是用不同的化學物質做能量來源。 當身體開始運動時,三個供能系統會同時啟動,然而,你的身體會根據運動強度和速度決定哪一個供能系統最先參與工作。慢跑作為有氧運動之王,可以有效地調動有氧代謝系統,從而達到消耗脂肪的目的。 研究表明,根據有氧代謝系統的要求,人體在75%左右的運動心率強度下會更多的分解脂肪給身體供能。而我們開篇提到的龜速前行肯定是達不到這個心率強度的。心率太低,運動強度不夠,燃脂效果不好。心率太高,進入無氧運動區間,運動強度太大,容易提早疲勞,完成不了訓練計畫。 不少跑友為了達到心率強度,選擇提高奔跑速度,但是,當配速過高之後,我們所消耗能量的實際來源變成了預儲的碳水化合物,而不是有氧代謝系統中所消耗的脂肪。並且,一直處在高心率狀態對身體也不利,容易引發潛在的疾病,導致猝死風險增高。 那麼,問題來了,怎麼才能找到最佳的燃脂配速?速度與心率的衝突要如何權衡? 首先,你需要瞭解自己的最大心率。最大心率有很多測算的方式和公式,最大心率常用的三種測量方式: 一是用公式計算,對於普通人來說,最大心率=208-0.7*年齡,肥胖者的最大心率一般較低,最大心率=200-0.5*年齡; 二是可以自主測量,佩戴可以測量心率的裝備,全力奔跑衝刺,直至完全跑不動,記錄下這之間心率的最大數。要注意的是,這種測量方式有一定的危險性,適合運動能力較強的人,且要有其他人在場。 三是可以用運動專用的心率表或心率帶,現在很多 GPS運動手錶都會提供心率帶套裝,也有運動 APP 支援藍牙心率帶。 通過以上方式計算出自己的最大心率後,跑友就可以得出自己的最理想心率:即最大心率的75%。在練習跑步時將配速控制在理想心率左右,就是你最適合減脂的配速了。 對於很多非專業跑友而言,可能這些理論上的東西比較難以理解,建議大家也可以根據生理回饋來感知心率強度。當你跑步時微微出汗,還能比較輕鬆地說話,呼吸、步頻等節奏穩定,這就是最佳的燃脂心率狀態;相反,當你跑得上氣不接下氣,呼吸急促,無法維持當前的配速,那就是跑得有點兒太快了,應當適當放慢速度,讓心率回到最佳的燃脂區間,然後按照這個速度持續跑下去。 最後,給跑友們提幾個提高跑步燃脂效率的小建議: 1、跑步過程中盡可能不間斷,即便是放慢速度,也不要停下來或者走; 2、熱身和拉伸千萬不能忽視,不然可能就白跑啦; 3、日常的飲食控制要堅持,一次的放縱不是多跑幾公里就可以彌補回來的; 4、不要過分追求速度,身體的反應最重要,不要給身體太大的壓力,循序漸進,慢慢進步。 新聞來源 :  新浪體育 Arvid Poon

Share
Continue reading »
808_5c932bad8ab0629f1d4d1bae3d3fad24a4a042cf4fd6bfb47701cbc8a1653ada.jpeg

Trail Run應該避免的常犯錯誤

[youtube]https://www.youtube.com/watch?v=piEHFyg19kM[/youtube] 跑山比起公路路跑,更加吸引人之處就是能夠沐浴在自然之中。但地形崎嶇,以及路途中的不確定性,常讓人又愛又怕。 為了教跑友準備Trail Run, 今天推薦一部跑步好影片給大家。Scott Jurek曾在美國頂尖的超馬-Western States 100 Miles連續七年奪得冠軍,也奪得「超馬之神」的美譽!他在影片中提出大家在越野跑時較容易犯的小毛病,也教導大家正確的越野跑姿勢,一起來睇睇觀賞吧! (圖片來源:Scott Jurek) Jurek認為: 第一,初學者在參加Trail Run時,會因為路面不平而讓自己過度擔心。 第二,在賽事途中,初學者容易因為太過緊張,而讓自己的肢體與膝蓋過度的僵硬與緊繃,這在較為陡坡的賽道上容易造成運動傷害。 第三,這是較常出現的小問題。通常在公路賽事上,因為步幅增長在賽事進行時能夠增加跑步的效率,我們會注意步幅,但對於越野跑而言,步幅太長會讓你在石堆奔跑時無法即時反應周遭的狀況。 因此他分享了幾個小祕訣給大家,由於在Trail Run有太多外在條件的影響,因此放輕鬆去享受大自然以及不要太講究技巧性的規則,從每次Trail Run中學習經驗,自身的經驗會讓你學習到屬於適合自己的跑步技巧,也會減少緊張與運動傷害發生的機率。 此外,透過一次又一次的練習,適應身體的協調度,遇到不同的環境時膝蓋、臀部與四肢的應變能力也會逐漸改善。最後Jurek提到,在進行越野跑的途中我們的步幅可以降低至平時的85-90%為最適當的步伐距離,尤其是地面較多石礫的情形下,利用小碎步的進行更能夠適應環境並快速的前進。 以上就是今天跑步好影片所分享的Trail Run錯誤方法與預防,若是已經成功征服許多平緩的賽道,讓自己有個機會挑戰山徑路跑,征服自我與拜訪山林之美吧! Arvid Poon

Share
Continue reading »
10620238_10152870910004497_3102732243824413716_o.jpg

45公里黑夜長征 (麥理浩徑4至8段)

報呢個比賽之時,之前完全無考慮過雷利會令我咁有挫敗感 (唔算好滿意自己當日表現)--又扭傷腳,又作抽筋,又差啲中暑,好彩都叫做順利完成。休息咗幾日,做過推拿,身體恢復得好快,扭傷嘅腳腕都無乜異樣;而隊友雄哥雖然喺完成雷利之後都無乜異樣,但間中仍受傷患影響;而醫師今次係獨行俠報咗個人組。雖然大家口講當日唔知可唔可以出賽,但大家兄弟都心中明白,以大家嘅鬥心,就算出嚟成績唔好,都一定唔會退出比賽。 當日3子約埋喺馬鞍山食完個豐富中午tea,就搭99號巴士入到企嶺下,已經見到好多參賽者一早到達起點。我哋存放好行李,拉完筋就四圍行吓。大約六點,大會已開始宣佈參賽者可以進入起點位置。 我同雄哥隊名「啤Bear雄」,大家都對落斜落樓梯比較有信心,所以預先已經有咗默契:上斜急步行,平路落山就jog,而且因為知道自己狀態應該跟唔到醫師,就叫醫師自己跑去做成績,之後大家再終點集合;時間方面,因為大家都上星期跑完雷利,今次定下目標8個半小時內完成已經有交代。 六點半比賽開始時天已入黑,一起步醫師已跟住一大班人衝咗出去,雄哥就不斷同我講,「唔駛跟,開頭都係一大段上斜路,保留體力,急步行跟返自己pacing」。所以我就跟住雄哥一直急步上山,每行一段,雄哥都會確定我係唔係跟喺佢附近。直到第一個落斜,我同雄哥就開始jog,因為速度快咗,雄哥無再回頭確認我嘅位置,就會間中叫我一聲;而我聽到就會同佢講返我喺佢左/右手邊。 今日感覺腳腕好似無乜事,而且狀態都回復正常。 上到馬鞍山,聽到有人數位置,我哋大約喺70左右,再過一陣,前面已經見唔到人,後面都唔覺有人跟嚟,我哋繼續一路慢jog,去到涼亭,突然覺得「咦?咁快嚟到嘅?」。再過埋茅坪,就喺差唔多去到基維爾營地,突然俾地下嘅樹枝棘親跌倒,跌損咗膝頭,但見無乜事就起身繼續去,去到基維爾營地補給站時間2小時03分。 我哋補咗水,等雄哥頭燈換埋電,我哋又繼續出發,好快已經去到沙田坳道過埋CP1,之後jog落沙田坳士多,嗰陣係9點05分,見到無嘢補給我哋就繼續去。 上完獅子山,就喺落山嘅時候發現自己體力開始下降,就同雄哥講好喺上筆架山前嘅涼亭做補給。捱到涼亭,馬上補Gel補鹽補水,但呢短短唔夠5分鐘,已經俾一行十幾人過咗。補給完繼續上筆架山,由於啱啱補完Gel,仍未有足夠體力,只好依靠行山杖慢慢爬上去,上到山頂,到落山路我哋又開始追上去,到達龍欣道CP2佢哋已經被我哋追上,去到鷹巢山前涼亭,大部份之前超前我哋嘅參賽者已經被我哋追返,而呢個時候我跑得開始有啲辛苦,雄哥就由我帶pacing繼續jog,跑咗一陣開始上返力,去到大埔道時間1小時40分。 之後我哋繼續慢jog,去到金山路已經開始肚餓,我哋一路食嘢一路急步上斜,雄哥就食醫師開賽前俾我哋嘅蛋糕,而我就食雷利攞多咗嘅PowerBar。就喺離開金山路轉去上山路段,我哋又被一名女師姐過頭,而之後嘅落山路段,我哋一直緊貼嗰位師姐直到城門水塘CP3,時間42分。 去到城門水塘,飲咗半樽水動樂,發現原來仲有冰凍可樂,飲住可樂食咗兩件三文治,補好水繼續出發挑戰針草帽。 慢跑去到針山山腳,看看手錶已經用咗6小時5分,睇嚟仍然可以做到8個半小時內完成,就抖足精神上山,不知不覺就已經到達針山頂 (明明上次上山辛苦得要死),正當我哋補水補Gel,嗰位師姐同佢隊友就喺針山頂過我哋,之後喺落樓梯,我哋又緊貼佢哋。最後我哋兩隊幾乎一齊到達山腳,之後兩隊都一直keep住急行上草山,差唔多到頂,我同雄哥加快步伐將佢哋拋離,雖然喺草山山腳因為無標示等咗一陣,之後慢jog又一次再將佢哋拋離,到達鉛礦坳時間1小時38分。 鉛礦坳只得水同唔凍嘅可樂,我同雄哥補完水同Gel,就過CP4開始上大帽山。嗰陣時間已經6小時43分,雄哥就問唔知我哋可唔可以8小時內完成呢?(上次試路大家都心知仲有一大段山路要行,之後有超斜石屎路,仲有6km長落斜路) 於是大家集中精神,一步一步不停上,上到大石陣,亦唔知道雄哥點樣搵到條路,總之就跟住佢跨石而上,上到頂之後開始有啲平路,呢個時候開始有啲霧水,雄哥再鼓勵我「我哋仲有機會8小時內,如果得嘅我哋就慢jog,少少都好,一啲啲時間去追」,其實今日狀態比雷利嗰日好得多,體力仍然有貨,只係上山之後要啲時間回氣。所以見雄哥開始jog,我就跟住jog,佢跨石我又跟住去。 感覺好似唔係過咗好耐,突然感覺呢度好似就係開始落山路段,就問雄哥,雄哥啱啱答完「未到,都仲未見到個白波」,跟住佢突然認得係呢度開始落山,我哋精神一振,就係咁衝落去石屎路。 飲咗啲水,我哋繼續急步行上大斜路。呢段路雖然斜,但都可以同雄哥繼續講笑,感覺好似只係轉咗幾個彎就已經見到燈光,我哋已經上到大帽山頂。睇睇時間,7小時15分,雄哥話佢上年成績七小時五十幾分,仲有6km大落斜,我興奮問係咪有機會pb?雖然佢話未到終點都未知,但我哋仍然希望成功,無再休息,依靠行山杖減輕膝頭嘅壓力,慢慢地跑落去。 數住一個個嘅彎位,心情就愈來愈興奮,終於見到燈光,我哋加快腳步,最後以7小時38分,團隊第七名衝過終點。               分段時間: 1. 水浪窩至基維爾營地 : 2小時03分 2. 基維爾營地至大埔道 : 1小時40分 3. […]

Share
Continue reading »
result.jpg

雷利衛徑78km全征

經過幾個月嘅山路練習,今日終於完成咗「雷利衛徑78km全征」,完成時間17小時13分,總排名23/298,組別排名11/185,盡晒力起碼對自己都有個交代。 10月11號當日六點幾同雄哥食個早餐,就搭的士到達大潭水塘燒烤場-「雷利衛徑78km全征」比賽嘅起步點。嗰陣七點幾,天氣仍然清涼,四子集合後就去領取號碼布,點名時我由於會錯意(以為每隊要準備1個哨子),結果我要向會場counter買哨子。 總算順利完成登記,寄存好行李,稍作休息已聽到大會宣佈比賽快將開始,我哋馬上到達起跑地點,倒數後比賽正式開始。 一開始已見到大量參賽者一窩蜂跑咗出去,四子就按住大家比較舒服嘅步速,沿住大潭水塘道路慢jog。及後開始上紫羅蘭山,已慢慢開始覺得天氣炎熱,還好間中有山風吹過,仍然唔覺得辛苦,最後跑回陽明山莊,時間1小時。 喺陽明山莊CP1登記後,食咗一隻香蕉及補水,馬上走上衛徑二段渣甸山。可能食完早餐無耐,又或剛才飲水太多,上山已開始頂胃,上到山頂後肚脹感覺先慢慢消失。呢個時候,有隊白衫、著晒Salamon裝備嘅外國人不停同我哋爭持,上山明顯佢哋有較好嘅體力,但落山我哋又有時會過頭,呢個時候呼吸開始覺得辛苦,仲以為自己體能差咗,直到Freddy提醒速度過快,我哋先慢落嚟,最後去到鰂魚涌時間為1小時4分。 去7仔買咗支水動樂,就jog去鰂魚涌站搭地鐵,一到油塘又開始jog出去,去到炮台山SCP1,問工作人員邊個check point仲會有補給,佢話要去到井欄樹,咁我哋只好繼續前行,到達衛徑3段開始點時間28分。 開始入衛徑3段,仲未回到氣,開始嗰段都係急行,行咗幾分鐘之後先開始慢jog,落到澳景路見到有補給,一邊唸唸碎點解連工作人員都唔知補給站喺邊,一邊就食麵包同補水,呢個時候陸續有其他參賽者出現,出發前問工作人員下個補給站,佢哋話係沙田坳,之後我哋沿樓梯上到CP2登記。 登記完繼續出發,由於太陽曬住,天氣愈來愈熱,行起嚟都覺辛苦,好彩仍有山風,加上之前練過烈陽,仍然仲頂得住。 好快差唔多到達井欄樹,前一晚跑友SamSam會下晝1點喺井欄樹做義工,問過我哋要乜嘢補給,醫師答過話要水動樂,但我哋比預期早到,到達井欄樹時間1小時17分。 由於之前CP2嘅義工話要到沙田坳先有補給,加上天氣熱,回覆完SamSam我哋已到達井欄樹,就到附近士多飲汽水。出發後,轉個彎就見到CP3有補給,四子又一輪炒蝦拆蟹後,攞咗Gel、2包PowerBar同電解飲品,補完水就進入西貢古道。 就喺西貢古道其中一段,由於行山杖被樹藤勾咗一下,左腳腳腕扭咗一扭,平衡好身體跑咗兩步,覺得腳腕只係有少少唔舒服,又唔覺得痛,無理到就跟住隊友到達大藍湖路。 食完嗰包大會提供、好重藥水味、好難食嘅Gel後,繼續步行開始走上東洋山,惡夢先正式開始。開頭一段由於仍有樹蔭,雖然上得辛苦,仍然稱得上叫做舒服;點知一離開樹蔭,太陽直曬頭頂,只好死忍,一步步用行山杖慢慢爬上去,行一段就馬上補水,沿途雄哥仍不斷鼓勵我哋。幾經辛苦終於到頂,行到基維爾營門口,發覺我條壓力短褲同小腿套已黐滿晒鹽粒。 喺沙田坳道落斜,Freddy開始抽筋,我哋就停低等醫師幫Freddy按摩大腿,而我嘅4頭肌都作抽筋,即刻噴咗啲噴劑,再不斷彈跳去鬆弛肌肉,好返啲我哋又再出發,落到沙田坳士多時間為2小時2分。 我哋馬上喺CP4登記後就馬上補水,我就攞咗個雪梨補水,之後入士多每人補咗支電解飲品,兩碟飯四個人分,之後又繼續出發。落到引水道,我又中魔咒,跑咗一陣,已經好唔舒服,雄哥見到,就一齊先行500m等我回氣,之後繼續慢jog。慢jog咗一陣,辛苦感覺又返番嚟,唯有死頂,旁邊雄哥不斷鼓勵,我就死頂keep住一口氣繼續跑,好唔容易頂晒成條引水道去到大埔道,時間1小時15分。 之後四人一路慢行到城門水塘等我回氣,去到上城門水塘附近到達CP5,醫師見我成塊面紅晒,就攞水幫我淋身降溫,補完水又繼續出發。降溫後,身體狀況明顯好轉,但由於抽筋感覺仍然隱約存在,唔敢跑得太快,繼續行一段jog一段,到達城門水塘時間為1小時27分。 喺城門水塘CP6登記後,攞住大會派發嘅膠杯要咗一杯熱朱古力,食咗一塊麵包,等雞蓉粟米湯煲好,亦要咗一杯(直頭係未熟好嘅罐頭湯),呢個時候腳瓜瓤已經被臏骨帶磨損晒,就走去醫療站攞膠布,之後繼續出發。 沿城門林道一路急步行,正奇怪行咗咁耐都未遇到一個雷利156嘅參賽者,過咗一陣就開始陸陸續續見到,到咗鉛礦坳去個廁所,就馬上進入大石陣。開頭仍以平時落山方式,一下腳腕突如其來嘅疼痛令我忽然脫力,多得行山杖不致令我跌倒,但已經唔敢再快。 又行咗一陣,發覺用腳踭落地腳腕會無咁痛,又開始加快步速,去到平路同樓梯就更加跑落去,去到元墩下時間1小時32分。 行前啲去CP7登記後,撞到大圍師兄回程,飲咗杯熱朱古力後繼續出發,呢個時候天開始入黑,我哋就停喺小巴站戴上頭燈繼續前行。Mavis係我哋另一位喺太和嘅support,由於已過咗約定時間,到尾段醫師就先跑去會合Mavis,我哋就繼續keep住急行,其間見住好多跑友喺落斜快步過咗我哋,但我哋都keep住速度行,留力準備挑戰最後兩座最甘嘅山峰。 見住好多跑友過我哋頭嘅同時,亦見到好多有用行山杖嘅師兄,記得壞人師兄上次講過我運用到行山杖嘅30%都無,所以就趁佢哋過我哋,我就留意佢哋點用行山杖,好似又有一啲領悟。 去到錦和橋,見到好多參賽者休息補給,喺橋尾見到Mavis已經喺度,我哋食咗佢為我哋帶嚟嘅手卷同寶礦力,稍作休息,合照後繼續出發。 去到大埔頭村,見到大量參賽者喺度補給休息,入廁所洗個面,抖足精神,出發挑戰九龍坑山。當時其實心情好複雜--行咗咁長途,腳已經攰到不能,上完九龍坑山之後,仲有個黃嶺同八仙嶺;但另一種諗法,已經去到九龍坑山,就嚟行完喇~ 當然,為咗要完成,就強迫自己去向好嘅方向諗,一步一步,咬緊牙關頂落去,行到一半,發覺頭燈慢慢暗落嚟(起點檢查頭燈時開過,之後唔記得lock返,燈唔知已經開咗幾耐),醫師見狀,同我交換咗兩粒電池,之後繼續頂住去到九龍坑山頂,時間為2小時23分。 依靠住行山杖,有時jog有時行,好快就到咗鶴藪水塘,喺CP8登記後,趕快食咗一片三文治、一杯熱朱古力,坐咗一陣,補鹽補Gel補水,之後又繼續出發,準備挑戰呢個賽事路線最高嘅山峰--黃嶺。 初段我哋仍間中有講有笑,開始上山後開始一言不發,集中精神依靠住行山杖一步一步向上行,嗰個時候已經無多餘精力去諗其他嘢,只係見路就行,見石級就上,唔知過咗幾耐,終於上到頂,馬上補Gel,之後再繼續行。 經過犁壁山,醫師已經開始叫眼瞓,我哋就叫佢去仙姑峰等我哋。等佢一支箭衝咗去,我哋仍keep住急行。呢段路好似行極都行唔完咁,嗰陣大家都已經攰透,已經連講嘢都唔想講。再唔知行過幾多個山頭,終於到達純陽峰。 上到純陽峰,各人再抖足精神繼續去,雖然離終點仍有一大段路,但心情好似覺得落咗仙姑峰就已經到終點一樣。經過一個又一個峰,一個又一個倒數,去到仙姑峰就見到醫師,一齊喺最後一個check point SCP2登記後,知道無水補給,唯有堅持盡快去到終點,時間3小時21分。 落咗仙姑峰,馬上向南涌出發,本來都想慢jog,但經過其間嘅石路差啲因為之前腳腕扭傷而跌倒,只好依靠行山杖急行,呢段路相信係我呢一生中感覺最長嘅6km。 終於離開連綿不斷嘅山林路,知道只係得返一段大落斜,慢jog已經唔得,只好仍然急步行,去到終點附近,見醫師同Freddy已經喺終點附近,就4子一齊手拖手過終點,時間1小時23分。 到達終點後已經見到前進師兄,佢作為我哋終點嘅support--接送我哋離開南涌。 再一次多謝為我哋作為support嘅Mavis同前進。 分段時間: […]

Share
Continue reading »