Author Archives: arvid

做咗幾日Research，今日終於落場買咗部Panasonic DMC LX-5。 一早就想買一部Prosumer DC好耐，以前買嗰部唔係唔得，只係無咗手動模式，好多嘢想試都試唔到。 原本想等G12，但係睇過G11嘅影像質素都係普普通通，如果G12只係有少改動，可以預計出嚟嘅質素都唔會有好大轉變；我睇過好多Forum同User Review，雖然個個都話LX-5只係LX-3嘅改進版，淨係佢個CCD嘅改進都真係不容忽視，再加上超靚仔嘅白色，忍唔住手lu。 另外再買咗一啲小配件﹣兩片ND及魚眼

今年嘅會員作品展終於完滿結束，今次因為上任秘書小姐離職，一切都由我哋自己從頭做起，中間當然有好多甩漏，但參與感亦多好多，而最後終於都可以順利完成。 從籌備到展出，短短半年時間，要收相、對入數紙、諗海報、印書、印相、排相．．．好彩我哋一班人團結一致，好多問題都可以順利解決。 下年，希望大家可以再玩過。

一直以嚟都過慣咗朝九晚五嘅寫字樓生活，呢幾個月發生咗好大嘅轉變：幫忙同學會搞作品展嘅工作、雜誌訪問等等，樣樣都未接觸過，樣樣都好新鮮，自己的參與感大大增加，每件事都總有患得患失嘅感覺。 每年嘅蘇文郁攝影同學會作品展係同學會其中一項大型活動，今年無咗以往的固定模式，所以我哋開會嘅次數亦比以往多；每一件工作，大嘅印相印書印邀請卡，微細至文具，都要一一準備好，還好我哋同學會嘅女執委都比較細心，否則真係蝦碌一大籮。 雜誌訪問係最令我難忘嘅一次輕驗。我唔係一個善於交際嘅人，尤其係啱啱認識嘅人，好彩幾個星期之前因為同學會作品展而同該位女編輯見過面傾過偈，所之訪問就比較無咁多dead air。 可能好多人都以為有訪問有得出雜誌係一件好光彩嘅事，但今次俾我嘅感覺係：唔易做。訪問前老師都講咗要我準備十幾張相，但你啲相要過得老師，你要有心理起碼準備多一兩倍以上。我今次主題係band show，以前影都係過得自己或者覺得過癮就ok，但要上得雜誌，你就要揀啲真係有質素嘅，結果要將所有band show相由頭到尾幾萬張相睇一次，將覺得ok嘅抽晒出嚟，進行第二次篩選……經過好多好多次之後，剩返嗰啲就係「自己」覺得ok嘅，再要逐張逐張cal色，試color tone……再俾老師睇完再出，真係嚇餐死。