Monthly Archives: July 2014

1597078_10152305016399497_166841426_o1-150x150.jpg

[雷利練習] 油塘至太埔道

由於今個星期同隊友夾唔到時間,結果今日自己第一次嘗試操山,目標都係上星期爆偈嘅衛徑3段至8.5段,由油塘出發,至大埔結束,大約42km。經過上次教訓,早一日已經多食飯早休息,今朝一天光喺餐廳食完早餐就坐地鐵向油塘出發。 上到衛徑3段,一開始覺得天氣好似同上星期差唔多,而且間中一陣陣微風吹過,有時更細雨綿綿,感覺比上星期更好,「這種氣溫應該可以行得完吧」,信心更大了。行到五桂山,太陽又直曬,好彩仲係開始,體力仍然充沛,無驚無險用咗1小時15分已經到達井欄樹。 稍作休息又開始出發,進入衛徑4段嘅西貢古道,上次同隊友嚟過,知道因雨後石頭表面濕滑,加上啱啱都落過雨,唔敢跑只急步前行,睇到石屎路段更加小心。好快去到大藍湖村引水道,開始見到其他零星嘅登山人仕。因為知道準備上東洋山,所以呢段路都慢慢行,盡量保留體力,調節呼吸準備登上東洋山。 轉入小路後開始登上東洋山,從西貢古道開始一直都天陰陰,心諗今日應該可以無咁辛苦,但當上到山腰無樹遮掩,太陽又出嚟曬住,心諗「你唔係咁玩我吓話」,結果都係要死死哋曬住慢慢行上去。 辛辛苦苦上完東洋山行到基維爾營入口附近,撞到個師兄,就喺上斜路段一路同佢傾計一路行,呢個時候天氣已經開始轉壞,到落斜位同佢say個bye就慢jog落山,一直走到沙田坳嘅士多,終於用咗大約2小時完成衛徑4段。 食咗幾件帶嚟嘅卷物,補完水就開始進入衛徑5段,呢個時候天已經開始落雨,去到落樓梯位置我都唔敢快,只碎步慢慢落,到達引水道後都唔敢亂嚟,以防歷史重現,加上之後仲有一大段路要行,所以只係跟返自己呼吸節奏慢慢jog,經頭先嘅師兄提醒,原來引水道真係有個牌寫住仲有幾多km,上次嚟都無留意到。 呢個時候雨愈落愈大,雷聲亦好似愈嚟愈近,跑咗4、5km都完全無停雨嘅跡象,雷聲響個不停。我都知道如果繼續去城門水塘,中途就無得跳車,要一直去到大埔先可以離開;而早前亦聽隊友提醒城門水塘有啲地方俾之前嘅大雨沖爛咗,為免危險所以就決定喺九龍水塘撤退,全程23km,時間4小時13分。 PS. 我開始覺得個天唔係好鐘意我,每每都喺上山無遮掩嘅時候就出猛太陽 T.T   Arvid Poon

Share
Continue reading »
1597078_10152305016399497_166841426_o1-150x150.jpg

[雷利練習] 油塘至大埔道

呢次係第一次雷利4子操山, 原先目標係練衛徑3段至8.5段(由油塘起步, 終點站太和, 全程大約42km), 目標時間係7-8小時。 前日跟長跑網朋友Easy run咗8km練跑姿, 可能星期四操練未休息夠, 當晚雙腳已經開始酸軟, 所以已經盡量去休息, 希望第二日可以有足夠體力操練。 喺油塘食完早餐出發, 開頭一段都係普通行山路段, 我哋就開始慢jog, 呢程路段算係比較易行, 一直去到井欄樹嘅士多稍作休息, 9.3km我哋1小時20分左右完成. 之後沿井欄樹村入西貢古道, 因前幾日落完大雨, 石頭上生滿咗青苔, 我哋就開始慢行, 落到大藍湖路, 我哋就沿引水道慢jog, 之後轉入一條小徑開始上東洋山。記得第一次跟雄哥醫師行山就係喺呢度爆偈, 所以之前一直都盡量保留體力唔敢去得太快, 但東洋山無遮掩無風都上得有啲辛苦, 全靠一顆「唔可以輸俾另一隊一齊上山嘅師兄」嘅鬥心, 終於成功爬上海拔460米嘅東洋山, 之後一大段石屎山路, 我哋就慢jog去到獅子亭士多到達沙田坳, 全程17.3km用咗大約3個半小時左右。 食少少嘢, 買好補給, 開始慢jog衛徑5段嘅引水道, 開始時仍可以用5分半pacing跟住, […]

Share
Continue reading »
1597078_10152305016399497_166841426_o1-150x150.jpg

[雷利練習] 太和至大尾督

  Arvid Poon

Share
Continue reading »